• Доллар 2.3726
  • Евро 2.6805
  • Рос. рубль 3.4407

Пр тое, як “супраціўляецца Лукашэнка”

12:37 14 февраля 2020

З дзённіка

12 лютага

“Народная Воля” паслужліва на самы верх першай паласы вынесла словы Святланы Алексіевіч: “Я не ведаю, хто б мог супраціўляцца так, як супраціўляецца Лукашэнка. Такіх моцных лідараў я не знаходжу. Гэта не азначае, што я за Лукашэнку, але супалі нашы інтарэсы і ягоныя інтарэсы. Гэта сумна, але гэта так”.

А вось мае інтарэсы з Лукашэнкавымі ніяк не супадаюць, бо абараняе ён не незалежнасць і тэрытарыяльную цэласнасць Беларусі, а перш-наперш сябе, свой і сваіх блізкіх і давераных статус.

Я некалі пісаў, што сучасная ўлада Беларусі (не беларуская ўлада, а менавіта ўлада Беларусі) з’яўляецца духоўнай пераемніцай мясніковых ды іншых бальшавікоў,  якія нечакана для сябе сталі на чале Беларускай Рэспублікі (так у дакументах да 2 лютага 1919 года называлася будучая ССРБ). І калі праз 16 дзён пасля таго, як яны сталі “суверэнамі”, Масква вырашыла адарваць ад Беларусі тры ўсходнія губерні, а рэшткі рэспублікі аб’яднаць з падсавецкай Літвой, Мяснікоў і кампанія кінулася абараняць і саму рэспубліку, і яе тэрытарыяльную цэласнасць.

Вось такая гістарычная паралель.

Я раю спадарыні Алексіевіч успомніць, хто дзеля захавання саўка ў Беларусі абяцаў паўзці на каленях у Расію, па яе танныя нафту і газ. Хто учыніў татальную русіфікацыю. І ў якой краіне за кліч “Жыве Беларусь!” кідаюць за краты.

Беларусь – не незалежная дзяржава. Я ўжо не раз казаў гэта і паўтараю яшчэ раз: мінскі “суверэн” без дазволу Масквы не можа запрасіць у Беларусь суверэна Дзяржавы Ватыкан.

Калі гэта не аргумент для спадарыні Алексіевіч, то раю ёй прачытаць у тым самым нумары “Народнай Волі” артыкул Аляксандра Фядуты пад вымоўным «Никто никуда не уходит». «Никто» – гэта  Беларусь.  Яна так і застаецца спутанай усякімі дагаворамі і абавязацельствамі, у якія ўвязаў яе “моцны лідар”. І будзе заставацца, пакуль гэты “моцны лідар” застаецца ва ўладзе.

13 лютага 2020 г.

“Наша Ніва” радасна вяшчае: заробкі ў Польшчы растуць шалёнымі тэмпамі.

Вось гэта мяне і трывожыць. Ёсць глыбокае падазрэнне, што цяпер у польскай фінансава-крэдытнай сферы адбываецца надзіманне пухіроў. Так, як яно адбывалася перад глабальным крызісам мінулага дзесяцігоддзя ў Штатах ды іншых краінах.

Крызіс тады Польшчу закрануў у мінімальнай меры. Цяпер жа польскай эканоміцы трэба чакаць аблому. Да таго ж сур’ёзныя аналітыкі, марксісты і немарксісты, лічаць, што не за гарамі новы глабальны крызіс. Не памыліліся яны ў сваіх прадказаннях ў 2006 г., думаю, што не памыляцца і цяпер.

Чаму мяне трывожыць мачымы эканамічны крызіс у Польшчы? А таму, што ён лясне па кішэнях і галовах нашых зарабкевічаў (на мове ўлады – дармаедаў), якія расійскі вектар працоўнай міграцыі памянялі на польскі, старанна вучаць польскую мову, а многія радыя запісацца палякамі і надыбаць карту паляка.

З увагі на тое, што ў Расіі ужо каторы год стагнацыя і “денег нет, но вы держитесь», беларусы трапяць у скрутнае становішча. І ўжо нават такім разумнікам (пішу без іроніі), як Калавур і Румас, будзе цяжка знайсці выйсце са складанай сітуацыі, бо разам з фінансава-эканамічнымі праблемамі абвострацца і сацыяльныя.

І чарговы раз будзе абвінавачаны ўрад. За 25 год у нас ужо восьмы кабінет. А той, хто кляўся, што запусціць заводы і сапраўды заводы запусціў, сваім месцам ніяк мяняцца не хоча.


Анатоль Сідарэвіч – беларускі гісторык, публіцыст і палітычны дзеяч. Уражэнец Ганцавіцкага раёна.

Высказанные мнения могут не совпадать с точкой зрения администрации сайта и не накладывают на неё никаких обязательств.

ЧИТАТЬ ЕЩЕ МНЕНИЯ

05 января 2020 12:16

Черви, Лукашенко, Евроигры, депутаты: герои 2019 года в различных номинациях

Провожая минувший год, мы решили не просто соблюсти традицию и подвести его итоги. Мы пошли дальше и выявили победителей в […]

29 сентября 2019 19:29

Открытое письмо к… ???? (о многодетных мамах)

А и правда, К? Ну, к кому? Президенту, министру труда и социальной защиты, депутатом парламента? И прямо смешно самому стало. […]

23 сентября 2019 22:20

Эхо недели: «У меня в саду шпиёны потоптали все пиёны…»

Какие-то странные высказывания и поступки стали замечать белорусы за своим президентом в последнее время. Не сказать, что раньше ничего подобного […]

03 сентября 2019 10:30

Эхо недели: Беларусь экспериментальная

Веселую шутку сыграл календарь с белорусскими школьниками. Культовая дата 1 сентября пришлась в этом году на второе число. Таким образом, […]